Shillong, Risaw 21: U Myntri Rangbah ka jylla u Conrad K Sangma mynta ka sngi u la iathuh ba ka sorkar kala shong ia ka jingialang ban ia kren ha kaba ia dei bad kane ka kam COVID-19 bad ka jingiakren ka long ba kumno ban iada ia ki paidbah na kane ka khlam bad ha ka juh ka por ba ki paidbah kim dei ban ia kynduh jingeh.
La iathuh ba ka sorkar kala pynkhreh ia ki kyndon kiba thymmai ha kaba la ia kren mynta ka sngi, halor kine ki kyndon kiba thymmai kin dang ia kren biang ha dien ka Puja namar ki hap ban peit ia ka rukom test ia kiba briew kiba wan sha ka jylla bad kum juh ia ki briew ka jylla kiba leit sha bar ka jylla bad ia kiba wan sha kane jylla.
Ka sorkar kan sa peit biang ia ki kyndon namar hap ban peit ba kan nym don ka jingsaphriang kane ka jingpang bad ha ka juh ka por ban peit ba ki paidbah ruh kim dei ban kynduh jingeh da kaba wan rah ia ki kyndon kiba thymmai, la ong u myntri rangbah ka jylla.
