Shillong, Rymphang 27: U Myntri Rangbah ka jylla u Conrad K.Sangma haba jubab ia ka jingkylli ka Miani D. Shira la ong ba kiba la ioh jingbit ban trei par mar ha u snem 2024-2025 ki long phra tylli ha u snem 2025-2026 ki long khatar tylli. Ki trai laisen kiba la wan ban pynthymmai ha u snem 2024-2025 ki long 32 tylli bad u snem 2025-2026 ki long 37 tylli.
Haba jubab ia ka jingkylli bynrap haba ia dei bad ka jing don ki nongtrei u myntri rangbah u la iathuh ba ka ophis jong ka Meghalaya State Pollution Control Board ka don ha Shillong bad ka shnat trei kam ka don ha Tura kaba ym pat biang ki nongtrei bad ki paidbah ka thain Garo Hills ki la ia kynduh jingeh ban pynsuk ia ki paidbah shen ka sorkar kan sa buh noh ia ka ophis trei kam ha Tura.
Haba jubab pat ia kiwei ki jingkylli ia ka jingdon ki par mar beain u myntri rangbah u la ong ba ha u snem 2024-2025 la khang khyrdep 11 tylli bad ha u snem 2025-2026 la khang khyrdep 29 tylli bad ka jingpynshitom ia ki ka long kat kum ki kyndon jong ka MMDR Act, haba phai tang ha ri Bhoi District ki par maw ba trei beain ki don phra tylli.
Ia ka jingkylli la katno tylli ki applikashon ki la ioh bad katno tylli la ai ia ka jingmynjur u myntri rangbah u la ong ba ia kane u donkam jingtip namar ki don kiba la ioh ki don ki bym pat ioh kumta un sa ai ia ka jingtip hapoh ka iing dorbar, haba phai tang sha West Garo Hills District ka jingdon ki par maw ba la tih beain ki don 59 tylli.
