Shillong, Rymphang 25: Mynta ka sngi u myntri ba dei peit ia ka tnad pule puthi ka jylla ula wan rah ha ka iing dorbar ia bill kaba la tip The Indian Institute of Public Health Shillong bill, 2026.
Ia kane ka bill la pdiang ha ka iing dorbar thaw ain ka jylla mynta ka sngi bad ia kane ka bill yn sa nang iakren hapoh ka iing dorbar shwa ban pdiang ia ka bad ha kane ka bill la ai ia ka jingbatai lyngkot ia ka bill baroh kawei iaka jingthmu ka jong ka.
Ka Indian Institute jong Ka Public Health Shillong, ka la shim ia ka synjam ban wanrah ia ka Public Health Science ha nongbah Meghalaya, ban long kawei na ki bynta ai jinghikai bapher bapher ha ka liang ka koit ka khiah ban long ka jingmyntoi ia ki riew paidbah.
Ka IIPH ka pynmih shibun ki jingiarap ban ai jinghikai ia u paidbah kaba kynthup ia ka jinghikai shaphang ka koit ka khiah, kum ki jingbam batei met, ki rukom pyrkhat, ha kaba kongsan jong ka imlang sahlang, kumjuh ha ka jingtip bad ka jingtreikam.
Ka prokram ka thmu ban ai jinghikai bad pynkhreh ïa ki nonghikai, bad kyrpang ban pynkhreh ïa ki kynhun nongtrei na ka bynta ki shnong nongkyndong bad ki bynta kiba shah iehnoh ha ka imlang sahlang, bad ban pynmih jingtip paidbah bad ban ktah ïa ki polisi bad ki skhim na ka bynta ban pynbha ïa ka koit ka khiah jong ki paidbah.
Ka PHFI ryngkat bad ka sorkar Meghalaya da ka jingiamir jingmut ki la shim ka sienjam ban pynlong ia ka Indian Institute jong ka Public Health ha Shillong, Meghalaya.
