Shillong, June 27: U Chief Whip jong ka jylla Bihar, u Dilip Jaswal mynta ka sngi u la pyntip ba ka sorkar pdeng ha ka jingialam u myntri rangbah duh ka Ri u Narendra Modi la pynkhreh ia ka buit ban pynjai jai ia ka jingjia ba ha ka jylla Manipur.
U Dilip Jaswal u la wan ha nongbah shillong na ka bynta ban rakhe ia ka jingdap 9 snem ka sorkar BJP ba ka bad ia u lakam synshar ha ka Ri India.
Haba kren bad ki nongthoh khubor ha Ophis jong ka BJP ha shillong, u la ong naduh ki sngi ki ba sdang ka jingiakynad ha ka jylla Manipur, ka sorkar pdeng ka la leh katba lah ban ai hukum ban pynlong Jai jai ia ka jingia kynnad ban wanrah biang ia ka shongsuk shong shngaiñ ha katei ka jylla.
U la ong ja ka jingialam u myntri rangbah ka ri u Narendra Modi ka sorkar pdeng kala phah ka ia ki nongleit sha ka jylla Manipur ba kynthup u union home minister Amit Shah ban peit ban khmih bad ban pynjai Jai ia ka jinglong jingman.
U Delip Jaswal u la pyntip ruh ba u minister of state (MoS) home affairs u la leit ban khmih bad sah ruh haduh 20 sngi ha ka jylla Manipur, kane ka paw shai ba ka sorkar pdeng ka don ka jingsngewkhia bha bad shim shibun ki lad ki lynti katba lah ban pynwan biang ia ka shongsuk shong shngan ha katei ka jylla.
Ha ba ioh ban kylli halor u myntri rangbah ka ri u la leit ne em ha Manipur.. u Delip jaswal u la ong ba u myntri rangbah duh ka ri ruh un sa leit Sha Manipur ha kine ki sngi, kumba u la pynpaw ba ka sorkar pdeng ka sngewkhia bha halor kane ka jingjia ha Manipur, namar u myntri rangbah duh ka ri u ieit eh ia ka phang lam mihngi ka ri India.
U Dilip Jaswal ha kane ka sngi u la pynpaw shuh shuh ba ha ki 70 snem ba la shynshai ka Congress ha ka ri India, la sakhi ha North East niar eh ba u myntri rangbah duh ka ri kin poi. Hynrei ka kine ki 9 snem ba la ialam ka BJP ia ka sorkar India, la palat 50 sien ba u myntri rangbah duh ka ri India h la wan hiar ha North East India
U la bynrah ruh ba ka jinglah jong ka sorkar pdeng ka long ka burom bad ka jingkiew ka dong kathain jong ki ba shong ba sah sha ka thain lam mihngi ka ri ba mynta la palat 50 sien ba u myntri rangbah ka ri u poi sha kane ka dong ka thaiñ, kane ka paw tyngkreng ba u Narendra Modi u ieit shisha ia ka North East.
