Shillong, Jylliew 21: Ka ophis Sub Divisional Ophisar ka Pynursla Civil Sub Division ban bteng ia ka jingpynbna kaba la pynmih ha ka 14/6/2025 ka surok 24 km na Laitlyngkot sha 37 km ha Langkyrdem yn khang man ka sngi naduh ka 23/6/2025 ha ki por kiba la buh.
Ki por kiba la buh ban khang ki long mynstep naduh ka por 8.00 baje haduh ka por 11.00 baje katba mynsngi kan long naduh ka por 1.00 baje haduh 4.00 baje noh phai sngi kane ka jingkhang ia kane ka surok kan long naduh ka 23/6/2025.
Ka ophis jong SDO ka Pynursla Civil Sub Division kala kyntu ia ki paidbah kiba mut ban leit lyngba katei ka surok ba kin ia beh ia kitei ki beh katkum ka por kaba la buh, ka ophis ka ong ba la leh ia kane na ki daw kiba ym lah ban kiar.
