Shillong, Rymphang 10th : Ka North Eastern Council ha u bnai Kyllalyngkot ka la pyllait pisa sha ka jylla Meghalaya kaba la kot sha ka T.5,69,53,000/- tyngka na ka bynta ki skhim ba la pyntrei ha kane ka jylla.
Ha ka jingpyllait khubor ka NEC na katei ka pisa ka kynthup ban shna ia ka Rama Krishna Mission School ha shnong Nongjngi Nartiang, bad ban thied ia ka kor MRI machine hapoh Civil Hospital Tura, ban shna ia ka jaka buh pyninam ha Williamson Sangma State Museum bad ban shna ia ka skul RKM ha Sohra.
Ka NEC lyngba ka skhim NESIDS ka la pyllait pisa T.3.91/-klur tyngka ban shna pynbha ia ka surok na Shillong sha Umroi ban poi sha ka kad liengsuin ha Ri- Bhoi District bad kane ka surok ka don 14.279 km kane ka surok kan iarap ruh ia ki paidbah nongshong shnong kiba don kumba 7287 ngut ha ki 10 tylli ki shnong ha shilynter kane ka surok.
