Ampati, Naitung 09: Ban pynthikna ba ia ki skhim jong ka sorkar pdeng dei ban pyntrei ha ka rukom kaba biang hapoh jong ka SWGH district u MP jong ka 2.Tura u Saleng A Sangma mynta ka sngi u la khot ia ka jingialang jong ka District Development Coordination & Monitoring Committee (DISHA) ha Ampati.
U MP u dei ruh u shongknor jong ka DISHA, ia u la synranlang da ki dkhot kiba kynthup ia u U.G. Sangma, Simberth Ch Marak, Learmilford A Sangma bad Manseng D. Sangma lem bad kiwei ha ka por ba pynlong ia ka jinbgialang ban ia kren halor kikam pynroi.
Ha kane ka sngi u Deputy Commissioner, Hema Nayak bad ADC bad Project Director ka DRDA, RZD Shira ryngkat ki ophisar na ka District bad ki nongaitreilang ba du MP kila ia don lang ha ka jingialang ban ia piet ia ka jingpyntrei kam ia ki skhim ka aorkar peng, ha kaba ki tnad sorkar bapher kila ai ia ka kaiphot ia ka jingpyntreikam, kaba kila dep, kiba dang sah bad ki jingeh kaba ki kynduh bad kaei kaba ki kwah ban leh ha ki por ba dang wan.
Na ka liang jong u MP u la ong ba ia kaei kaba kila pynsngew un sa shim ia kine ban ia kren bad ki minister ha ka juh ka por u la ong ba ka dei ka kamram jong ki tnad sorkar bapher bapher ba kin pynshai sha ki paidbah ba ki paidbah ha ki nongkyndong kin ioh ia ki jingmytoi na ki skhim sorkar.
Ha kane ka jingialang la ia kren sani ia ka jingkiew ka IMR, ka jingduna snam ha ka District, ka jingpynpoi ia ki dawai bad kwah ruh ban tip na ka liang jong u MP ia ka jingdon kam jong ka Ampati Civil Hospital ia ki dawai, la kren ruh ia ka jinglip light kaba khah khah ha ka District la kyntu ia ka MePDCL ban jurip bniah ia kane ka jingeh ban dup lah ban weng.
U MP u la kylli ruh ia ka jingtrei kam jong ka ICDS hato kala don ne em kata ka jingpyrshang ban kyntiew ia ka jingsiew ia kiba trei ha ki Aganwadi namar kumba ka long mynta ka long hapoh ia ka dor bai trei sngi, ha kane ka sngi la ia kren ruh kumno ban kham pynmih bun u khaw.
Na ka liang jong u MP u la ai ka jingiaroh ia ka tand ri dohkha kaba la lah ban pynmih bun bha ka Dohkha ha SWGH District, kala bun ka jingmih ban ia ka jingdon kam, na ka liang jong u MP u la kyntu ban wat ia ki lat ki lynti kumno ban shallan ia ka Dohkha na katei ka District sha kiwei ki bynta jong ka jylla.
