Shillong, Nailur 14: Mynta ka jan miet la ioh ia ka resolt ha kaba ia dei bad ka jingtest COVID-19 ia u Symbut Myntri Rangbah ka jylla u bah Prestone Tynsong bad ka resolt ka long Negative.
Ka jingtest ia u Symbut Myntri Rangbah ka jylla la leh da ka CBNAAT bad kum juh da ka RTCPR bad baroh ar tylli ki reslot jong kineki test kila ioh mynta ka jan miet bad baroh ar tylliki test ki long Negative.
Haba ia dei bad ka jingtest ia u Myntri Rangbah ka jylla u Conrad K Sangma bala test da ka CBNAAT mynta ka sngi bad ia ka reslot la ioh mynta ka miet bad ka resolt ka long Negative kane ka long kat kum ka jingpyntip u Director ka tnad ka koit ka khiah.
Ban kdew hangne ba u myntri rangbah ka jylla u Conrad K Sangma bad u symbut myntri rangbah ka jylla u bah Prestone kila leit sha Delhi na ka bynta ki kam ki jam kiba ia dei bad ka sorkar jylla ban ia kren bad ka sorkar pdeng.
Katkum ki kyndon kiba ka tnat ka koit ka khiah kala buh ka long ba ha dien ba la wan phai hap ban leh ia ka test katkum ki kyndon bad ka jingshoh quarantine ia ki heh sorkar kan long na ka bynta 7 sngi.
