Shillong, Nohprah 24: u bah S Lyngdoh Marshillong Deputy Controller of Civil Defence West Khasi Hills la ong ba ka tnad Home Guard ka ialeh ban weng ia ki jingeh ban nymslem ka jingsiew ia ka tulop ki nongtrei kane ka tnad sorkar.
Ha ka jingkren ka jong u u la ai ka jingiaroh ia ki Home Guard kiba bat ia ka jingiaid beit iaid ryntih kumba ka long haduh mynta, u la ban jur ba ki dei ban pynneh ia kane ka jinglong ba iaid beit iaid ryntih ka jong ki ha ka jingtrei kam kiba man ka sngi.
Ha ka jingkren u rangbah shnong ka shnong Langkyrdem u bah Lamjingshai Rynjah ba deu ruh u sorkar Raid Lyngkyrdem, u la ai khublei ia kine ki samla kiba la pyndep ia ka jinghikai ha ka Home Guard bad u la kyntu ba kin long kiba don ka jingiakit khlieh ia ka kam kaba kin trei.
Ha kane ka sngi la don lang ruh kiwei kiwei ki heh sorkar ban ia shakhi lang ia kane ka sngi ha kaba la sam ia ki syrnot sha ki samla kiba la pyndep ia ka jinghikai bad ia ka jingkren ai khublei la kren da u Secretary ka shnong Langkyrdem u bah Laitlyting Lyngkyrdem.
