Shillong, Nailur 20: Mynta ka dngi ka sorkar Meghalaya lyngba ka tnad pathai khubor kala pynlong ia ka “1st Meghalaya Media Meet” bad ha kane ka sngi la pynkup burom ia ki 8 ngut ki nongthoh khubor kiba la ai ka jingshakri palat ia ki 30 snem.
Kiba la shah pynkup burom ha kane ka sngi ki long u bah Bah Philip Marwein Editor ka Youth Today, u Subroto Bhatacharjee Bureau Chief UNI, bah R M Shabong Editor Rupang, bah M M Thaiang Editor Yutip.
U Manas Choudhury u Editor ba rim Shillong Time, u Sanat Chakraborty Independent Journalist, ka Linda Chhakchhuak Independent Journalist, u Sanjib Bhattacharjee, ba shondur ia ka kot khubor Shillong time.
Haba kren kum u kongsan u myntri rangbah ka jylla u la ong ba, ha kano kano ka kam don kam ia ka jingshaniah, la ka long ha ka sain pyrthei, ka kam thoh khubor, kano kano ka kam ruh, la ong ban ioh ia ka jingshaniah ka shimpor.
La ong ba kano kano ka kam pynshit ka lah ban neh shisnem ar snem hynrei kan nym neh slem, kan poi ka por ba ki briew kin sa duh ia ka jingshaniah, ha laduh ka jingsha niah ka ktah la ka dei ha kano kano ka bynta ruh.
Ka myntri ba dei peit ia ki kam pathai khubor ka kong M Ampareen Lyngdoh kala ong ba ka sorkar ka sngewthuh ia ki jingeh jong ki nongthoh, ka sorkar ka dang peit bniah ban ai ia ka baibam tynmen ia ki nongthoh khubor bad ka iing sah.
Ia ka jingkren pdiang burom la krem da u Commissiner Secretary ka tand pathai khubor u Vijay Mantri IAS ,jingkren ai khublei la kren da u Director ka tnad pathai khubor u M S Sangma, ha kane ka sngi baroh ki ophisar ka tnad pathai khubr kila don lang.
Ha kane ka sngi ki nongthoh khubor na kylleng ka jylla kila wan ban ia shimbynta ha kane ka sngi, ka 1st Meghalaya Media Meet 2024, kaba la long ha Vivanta Hotel Shillong.
