Shillong, Iaiong 7: Ka Meghalaya Board of School Education mynta ka sngi 7/Iaiong/2026 kala pynbna ia ka result matrik kaba la tip kum ka Secondary School leaving Certificate ha kaba ka jing pass jong ki khynnah ka long 86.84% kynthup ia ki kynthei bad shynrang.
Ki samla kiba la applai ban thoh ia ka exam SSLC mynta u snem 2026 baroh ki long 48805 ngut hynrei kiba la wan ban thoh ia ka exam ki long 48623 ngut bad na kine kiba pass ki long 42228 ngut bad baroh ki skul ha ka jylla kiba la pyniasoh bad ka MBOSE ki don 719 tylli.
Ia ka exam la sdang ha ka 31/Kyllalyngkot/2026 bad kala kut ha ka 11/Lber/2026, ki samla pule kiba la ioh ban rung ha ka thup jong ki ar phew ngut ki long san phew ngut ki marks kiba la ioh da u ba la ioh bat ia ka kyrdang kaba nyngkong eh u Wangaal Lama u la ioh 585 u dei u khynnah pule jong ka Gorkha Patshala Higher Secondary School Shillong bad u nombar ba san phew u ba la ioh rung ha kane ka kynhun ba ar phew u la ioh 555.
Na ki skul kiba dang ioh rung nyngkong ba pass ha ka kynhun ba ar phew ka dei ka St. Francis Savior Secondary School Sohklong Mawsynram ba la rung ha ka nombar ba khatwei u samla Bennaiah Kharshandy u ba la ioh 564. Ka skul All Saint Diocesan Higher Secondary School ha kaba ki la don san ngut ki samla pule na kane ka skul kiba ioh rung ha ka thup jong ki ar phew ngut bad ka St. Anthony’s Higher Secondary School Shillong kila ioh ban rung san ngut ha ka thup jong ki ar phew ngut.
Ka jing pass ki khynnah kat kum ki Distrik ki long kaba nyngkong eh ka dei ka West Jaintia Hills District kaba ki samla kila pass 94.99 % , wan sa ka South west Khasi Hills District 94.60 % East Khasi Hills District 94.17 % ka Eastern West Khasi Hills District 93.31 % ka West Khasi Hills District 92.95 % East Jaintia Hills District 92.85 % ka South Garo Hills District 88.48 % Ri Bhoi District 88.04 % West Garo Hills District 77.75 % South West Garo Hills District 74.54 % North Garo Hills District 72.70 % katba ka East Garo Hills District kiba pass ki long 72.33 % .
