Shillong, Iaiong 04: Mynta ka sngi ka Khasi Student Union kala rakhe ia ka sngi “Kyrsiew Ri” da kaba iaid paidbah na Bharat Scouts and Guides Laban bad pynkut sha Lumshatsngi ha ka ryngkar ka riam tynrai u khun khasi khara ha kaba bun bah kila ialeit ban ia shim bynta.
Ha dien ka jingiaid paidbah la pynlong ia ka jingialang ha ka Shillong Vidyalaya Secondary School, Lumshadsngi haba kren ha kane ka jingialang u President ka KSU u samla Lambokstarwell Marngar u la ong ba ka seng ka kren ia ki mat ki jura na kawei ka samoi trei kam sha kawei pat ka seng kam heh tang ka tyngam hynrei ha man kawei pakawei ka seng ka shim ia ki jingiakhih ka along kam juh duh ia ki dkhot ka KSU.
Ka jingkylli ka long ba ka seng kam shym la pynlong tamasa ia ki mat ki jura ba ia dei bad ka jaidbynriew baroh kawei, lada kita ki paradoh para snam kiba imsngi ban kynthoh ban who lada ki ai ka por jong ki tang shiteng ka long ba yn nym ioh mynder shuh ha kane ka ri khasi.
U President ka seng u la ong ba kane ka juk ka iai kaba ngi im hap ban pyrkhat yhmmai kum ki khun samla nangne sha khmat ki jingma ki ap ki jingkyllei ki mynder hapoh ka ri hynniewtrep ka long kaba ma haduh katta katta, ka jingsherkhei kaba sherkheitam ka long ka jingiapaid ia pra bad mano ba pynpaid, mano ba pynpra u president ka KSU u la ong ba don mano re mano sha lyndet.
Ha kane ka sngi u President ka KSU u khot u wei ia ki khun samla ki long kmie ki long kpa ha kylleng ka Bri Hynniewtrep to pyndon kam hok ia la ka jong ka lyngkor ia la ka iktiar ban ai ka jingkyrshan ba burom ia ki khun samla ka Bri Hynniewtrep kiba khih kiba ksar kiba juh kren na ka sngi sha ka sngi ia ki mat ki jura jong ka ri bad ka jaidbynriew baroh kawei.
Ha kane ka sngi u President ka KSU u la ong ba pleng nalor ki mynder ri pleng la mih ruhbun ki myndie ri hapoh ka Bri Hynniewtrep baroh kawei la kynnoh u president ka seng bad kaei kaba la jia ha ka jylla Assam bad ka jylla Tripura kan sa jia long ruh ha kane ka jylla ka jong ko ki khun samla kylla thiah kylla dem.
Kum ki dkhot ka seng KSU pynthikna ba ha kane ka por ban tei ia ka ri bad ka jaidbynriew ha ka lynti jong ka hok bad ka jingshisha, dei ban skhem shuwa hala ka nongrim ymd ei ban ailad ka jingshah pharia jong ka jaidbynriew sharum bad shaneng lada don ka jingiatylli kawei ka jaidbynriew ka dei ka jaidbynriew kaba khlain.
