Shillong, Iaiong 10: Ka Green-Tec Foundations kala shim ia kane ka rai ban leit tied ia ka jingkhang jong ka secretariat ka sorkar Meghalaya naduh ka 9/Iaiong/2026, hynrei da kaba pyndon kam ia ka bor bad hadien ba la pynlait ia ki na ka jingshah bat ha ki bor ka ain bad u myntri rangbah ka jylla u la pynshai paidbah ia ka dewlynnong Lumpongdeng ha pung Umiam.
U bah Ritre Oo Lyngdoh Secretary General ka Green-Tech Foundation haba jubab ia ka jingkren u myntri rangbah haba ia dei ia ka soskular kaba la ia soi bad ka tnad jngohkai pyrthei hynrei khlem pynshai bha ba ka sorkar bad no ka ia soi ia ka soskular ban buh ia ki iing basa bad SPA.
La ong ba ka Foundation ka tip bad no ka sorkar ia ia soi ia ka soskular, kumno ka sorkar ka khot ia ka tender bad kumno ka sorkar ka thaw ia ka SPV u nongialam ka Fundation u la ong ba ki don baroh ki kot ki sla.
U myntri rangbah u la ong ba kan nym don kano kano ka jingtei ki ban neh junom ha dewlynnong Lumpongdeng, lyngba ka RTI la ioh ba ka don ka jingmynjur “consent to established” bad katkum ka jingthoh kaba kila ioh la ong ba kin don ki jingtei kaba 36 akar bad kito kin long kum ki Vilas, Restaurants, Cafés bad kiwei kiwei dei kiba don kam.
U nongialam ka Foundations la kynthoh ba u myntri rangbah ka jylla u ialam bakla ia ki paidbah, namar ha ka jingpynshai la kren shai ba kin nym don kito ki jingtei kiba long ban neh junom hynrei kin don tang ki jingtei kiba shipor, ka jingkylli ka long iano la pynbiej bad iano la iada haba ka CTE ka kren shai namar ha katei ka dewlyngong lah banpoi tang ka ki lieng.
Ban pyrshah ia kane ka jingleh ka sorkar u shongknor ka Green-Tech Foundation bah H. Bansiewdor Nonglang u la sdang ia ka jingiakhih da kaba shah thngan khlem buh por ha Madan Malki ia kaba u la sdang ha ka 9/Iaiong/2026 bad mynta ka sngi u dang iai bteng ia kane ka jingiakhih ban pyrshah ban ktah ia ka dewlynnong Lumpongdeng.
