Shillong, Rymphang 18: U Deputy Commissioner jong ka East Jaintia Hills District u Manish Kumar, IAS u la ai jingbit ia ki pulit ban pynpra pynjot ia ki kor tan dewiong kiba don ha Mynsyngat-Thangsko.
Ia kane ka jingbit la ai ha dien ba la ioh ia ka kaiphot kaba la phah da u Superintendent ki pulit ka district la pan jingbit ban pynpra ia ki kot tan dewiong kiba don ha Mynsyngat-Thangsko haka jaka ba bthei dynamite haba 31 ngut ki briew kila iap bun kiba mynsaw.
Ha jan kane ka juh ka jaka ki don kiwei ki krem dewiong kiba dang tih thymmai kiba pyndon kam ia ki kor tan dewiong bad haba pyndon kam ia kine ki kor ka pynmih ia ka sur kaba jam bad ka pynthud ia ki paidbah bad ka pynmih shibun ka jaboh bad ka don ka jingiohi ba kitei ki kor ki lah ban pyndon kam ha kaba tan dewiong ba tih khlem da ioh jingbit.
Ka National Green Tribunal kala khang ban tih dewiong ha u snem 2014, kumta la don kam ban iada na ka jingtih dewiong kaba khlem da ioh ia ka jingbit kiba la pyndon kam da ki kor ki bor ban tan dewiong.
U Manish Kumar, IAS, District Magistrate, East Jaintia Hills District, Khliehriat haba pyndon kam ia ka bor kaba la pynkup hapoh ka kyndon 152 jong ka ain Bharatiya Nagarik Suraksha Sanhita (BNSS), 2023, la ai bor iaki pulit ban pynpra kor tan dewiong, ki rep sah ki nongtrei ha ka jaka ba don ka jingbthei dynamite Mynsngat Thangsko bad ha katei ka thain kiba hap ha East Jaintia Hills District.
Haba ai ka jingbit la buh ruh ia ki kyndon ba ka jingpynpra ia ki kor tan dewiong dei ban leh hapoh ka jingpeit u ophisar ba tohkit kane ka kam, haba weng ia ki kor dei ban da shondur shuwa ban pynpra bad ha dien ba la dep ban pynpra.
Deo ban da leh ia ka Geo-tagging ia ka jaka bad ban leh ia ka GPS bad ia kane dei ban buh bad u ophisarba tohkit ia kane baroh hap ban da toh ha ka dur jong ka kaiphot bad phah ia ka katkum ki kam kiba la leh bad phah kloi lan ia ka bad ia kane dei ban pyntrei kam noh mar dor.
