Shillong, Jylliew 02: Ka party BJP jong ka Meghalaya State Unit kala pynpaw ia ka jingsngew kmen ban iohi ba u Myntri rangbah duh jong ka Ri India u Narendra Modi u la bat ia la ka kular ban pyntrei kam ia ka “PM Kisan Scheme” ha kaba ki nongrep kin ioh T.6000 tyngka man u snem. Baroh ki nongrep ha ka Ri India ki ban ioh ia kane ka jingmyntoi kin long haduh 15 klur ngut.
Ka cabinet kala rai ruh ban pyntrei kam ia ka baibam tynmen na ka bynta ki nongkhaii bad ki nongkhaii kiba rit kiba lah ban ioh ia kane ka jingmyntoi kin kot sha ka lai klur ngut ha ka Ri India baroh kawei. Ia kane ka Pradhan Myntri Kisan Yojana kan long ba ki nongrep bad ki nongkhaii kin hap ban noh suangiang lang.
Kane ka sorkar jong u Modi kala pynheh ruh ia ka bai bam jong ki khun ki kti kiba dei na ki kynhun iada Ri kyntup ruh ia ki pulit ha kaba la pynkiew na ka T.2000 tyngka shibnai sha ka T.2500 tyngka. Kane ka long ka jingmyntoi kaba khraw ia ki paidbah. Ong ka BJP ha ka jingpynlait khubor mynta ka sngi.
