New Delhi, Rymphang 04: Ka kynhun tohkit jong ka sorkar pdeng ka Central Bureau Investigation (CBI) kala dem ia stenographer bat rei hapoh Income Tax Department ha Chennai ba dawa pisa shilak tyngka na u ba shah ujor ba khlem siew ia ka Income Tax.
Kane ka jingpan pisa ka long ban pynduna da 10% na ka T.19 lak tyngka kaba u nongujor u hap ban siew ia ka Income Tax kaba u la pynsah na ka bynta jong u snem 2020-2021 da kaba pynkylla ia ka, la ong ba kane ka jingdawa pisa ban leh ia katei ka kam beain ka long T.1,50,000/- tyngka.
Halor kane ka jingujor ba kila ioh ki briew jong ka CBI kila pynlong ia ka jingpynapshrip bad ha ka por ba u ba shah ujor u la wan ban ai ia ka pisa T.1,50,000/- tyngka, ha kata ka por ki briew jong ka CBI ki la wan mih bad talasi ia ka pla bad ia kane ka pisa la ioh ban kurup.
Na ka liang jong ka CBI kala pynlong ia ka jingkhynra ia ka iing sah ha kaba ki la lap bun ki kot ki sla kiba ia dei bad ki kam ophis, ka CBI kala kem bad la rah sha iing bishar haka 3/2/2026 bad la set ha phatok bad ka jingtohkit ka dang iaid.
