Maligaon, Lber 29: Ka kynhun pulit Railway Protection Force (RPF) jong ka Northeast Frontier Railway kila pynpaw ia ka jinglong phir ka jong ki ban iada ia ki nongleit nongwan ban lait na ka jingshah tuh na ki station rel na Guwahati, New Jalpaiguri, Aluabari, Kamakhya, Hojai, Agartala, Samsi bad New Bongaigaon.
Ha kane ka jingpeitngot ki RPF kila ioh ban pynlait ia u khynnah na ka rel kaba don ia u number No. 15933 DN na Guwahati Railway station bad ia u la aiti sha kiba peit ia ki khynnah ban leh iaba don kam.
Ki RPF kila ioh ban kem 14 ngut kiba die ia ki e-Tickets beain bad ha ka dor jong ka pisa kala kot sha ka T.61,700/- tyngka, kane ka long ban ia leh pyrshah ia kiba die tiket beain bad ha kane ka jingkhynra la ioh kem ruh ia ki jingdih pynbuaid kum u Ganja bad ka kyiad.
Ha ka jingkhynra kila ioh ban kurup haduh 268.82 kilo Ganja, 12,00 kilo Poppy ban shna drok heroin bad ka dor jong u kala kot sha ka T.1.91/-klur tyngka, ki pulit RPF kila ioh ban kem haduh 37 ngut ki briew baroh haba kynthup lang ia baroh kiba la ioh ban kem ia ki jingdih pynbuaid kala kot sha ka T.1.93/- klur tyngka.
