Shillong, Jymmang 07: Ki shipai BSF kiba pahara ha khappud ka jylla Meghalaya kila ioh ban kem saw ngut ki khar Bangladesh kiba la wan rung beain sha Meghalaya lyngba ka South West Garo Hills District.
Ki shipai BSF haba kila ioh ia ka jingtip ba ki don ki briew na Bangladesh kiba la kiew sha India kaba hap ha ka Meghalaya Frontier kila pynlong ia ka jingap ktem bad ha kane ka jingap ktem kila ioh ban kem ia kine ki saw ngut mar ia rung sha Meghalaya.
Ha ka jingtohkit ki BSF kine kiba la shah kem kila phah ha ki BSF ba ki dei na Bangladesh Mymensingh, Gajipur bad Nogaon district ka ri Bangladesh, ia kine la aiti sha ki pulit jong ka Mahendraganj Police Station ban leh ia kaba don kam katkum ka ain.
