New Delhi, Iaiong 12: U Myntri Rangbah Duh jong ka Ri India u Narendra Modi u la paw ia ka jingsngewkthang ka jong u halor ka jingkhlad noh jong ka nongrwai ba pawnam ka Ri india ka Asha Bhosle mynta ka sngi.
U Myntri Rangbah Duh jong ka Ri India u la ong ba ka dei shisha ka nongrwai kaba paw nam bad ka don ia ka sur kaba kham kyrpang, la ong ba kine ki phew snem jong ka jingrwai jong kala ktah ia million ngut ki briew da ki jingrwai bad ki jingrwai kiba don nongrim bad kit jingmut.
U Myntri Rangbah duh jong ka Ri India u la ong ba yn iai kynmaw ia ka jingia kynduh ka jong u bad ka namar ka jingiakynduh kila ia kren bun kiei kiei kiba ia dei kiba ktah ia ka imlang sahlang da ki jingrwai bad la ong ki jingrwai jong kin dang iai pyrsad mynsiem wat ia ki pateng ki ban dang wan.
U myntri rangbah duh jong ka Ri india u phah ia kane ka khubor sngewlem sha kiba ha iing ha sem bad ka jingkhlad ka jong ka, ka long ka jingduh kaba ym lah ban khien bad kane ka ktah ia baroh ki briew ha kylleng ka pyrthei.
