Shillong, Jylliew 16: U Myntri Rangbah ka jylla u Conrad K Sangma mynta ka sngi u la pynpaw ia ka jingsngewsih ban tip halor ka jingkhlad noh sa u wei u nongialeh hills State ba dei ruh u MLA ba rim na ka party APHLC na Salmanpara Konstitwensi.
U myntri rangbah ka jylla u la ong ba u rangbah Samarendro S Sangma 97 snem la kha ia u ha ka 28/12/1928 ha Cooch Behar ka jylla West Bengal bad ha dien la wan sah ha ka shnong Nogorpara kaba hap hapoh jong ka South West Garo Hills District u la long u MLA ba nyngkong katei ka thain ha kaba u la don bynta ha ki kam sain pyrthei shuwa bad ha dien bala ioh ia ka jylla.
U la long u wei na ki riew pawkhmat ha ka jingialeh ban pynioh ia ka jylla kum u wei na ki nongalam jong ka All Party Hill Leaders Conference (APHLC) ka seng sain pyrthei kaba la ialam da u Captain Williamson A Sangma ha u snem 1960 kaba la ia khih ban ioh ia la ka jong ka jylla.
U Samarendro S Sangma u la long u MLA naduh u snem 1970 haduh u snem 1972 ha por ba ka jylla ka dang dei ka autonomous state hapoh jong ka jylla Assam, ha u snem 192 ha dien bala ioh ia ka jylla ba pura la long u MLA na Salmanpara khlem da don ba ialeh pyrshah bad u la ong kum u MLA haduh u snem 1978.
Ka jingkhlad ka jong u ka long ar taiew ha dien ba khlad ka kurim jong u ha ka shnong Nogopara bad u dei u knie jong u myntri rangbah ka jylla u Conrad K Sangma, ha kane ka jingkhlad ka jong u ki khubor sngelem kila wan na kylleng ban pynpaw ia ka jingduh kaba khraw ia ka jingleh burom kaba khatduh kan long ha shnong Nogopara.
