Shillong, Nohprah 27: Ka Khun Ri Laiseng kaba kynthup ia ka shnongh Sohsarat, Nongwar bad Mustoh kala dep ban jeid ia u nongsynsahr ban long President ha ka 5/Jymmang 2025 bad la phah sha Khasi Hills Autononous District Council ban ioh ia ka Sanad hynrei haduh mynta ym pat ai ia ka sanad wad kitei ki lai shnong kila pyndep ia ki jingjied katkum ka riti ka dustur synshar ka jong ki.
Katkum ki jingtip kiba u SP news Agency u la ioh la jied ia u nongsynshar katei ka Ri Laiseng kaba hap hapoh jong ka Shella MLA Konstitwensi bad MDC Konstitwensi, ka jingbym ai Sabad ka KHADC mynta la phra bnia kala buh ia ki jingeh ki paidbah ka tei ka Ri Laiseng ha kaba ia dei bad ki kot ki sla kiba don kam na ka bynta ki paidbah nongshong shnong.
Kane ka jingbym ai Sanad Ka KHADC kumba la jied da ki paidbah kam kut tang ha katei ka Ri Laiseng, hynrei hapoh ka Elaka Umniuh-Tmar kaba ki paidbah kila jied ia u Acting Sirdar ha ka 23/Naiwieng/2025 ha dien ba ka por jong u Sirdar kala kut, ia kane ka hima ruh ka KHADC lyngba ka tnad Elaka kam shym la ai sanad naduh mynta la shibnia tam.
Ban pynkynmaw ba ka Hima sohra ha ka 3/Naiwieng/2025 kala jied ia u syiem khynnah u Pa,im Marremdor Syiem ban long u syiem ka Hima Sohra bad phah ia ka kyrteng jong u sha KHADC ban ioh ia ka jingmynjur ban ioh ia ka Sanad, hynrei ka KHADC kala thung ua u Myntri Mynjurlang Majaw ban long u Acting Syiem ka Hima.
