Shillong, Lber 26: U MDC ka Sohra uba dei ruh u nongialam ka liang pyrshah u la pynpaw ka jingsngewsih kthang ha ka sngi sdang jong ka dorbar mang tyngka halor ka jingbym rung ka (obituary) ne ka jingai khublei ia ki dkhot barim jong ka council kiba la khlad noh.
Katba ka dorbar mang tyngka ka dang iaid, u Bah Titos u la ieng bad wanrah ia ka point of order halor ka jingbym rung ha ka list of business kane ka jingia kren halor ka jingkhlad noh u MDC barim ka Sohra uba la khlad noh ha ka 22 tarik bad la tep ha ka 24 tarik mynta u bnai Lber.
Une u MDC barim u dei u Bah W Mathew Mawdkhap uba la long MDC ha u snem 1979 bad uba dei ruh u Myntri jong ka Hima Sohra. “Nga sngewsih kthang ia kum kane ka bym pat ju jia ha ka history jong ka KHADC ban kynmaw burom ia ki MDC barim bad kane ka ktah ia nga shimet namar ba une u MDC barim u mih khmat ia ka Sohra” ong u Bah Titos.
Shuh shuh u Bah Titos u la ong ba um kwah ban kren hynrei namar bay m shym la rung ha ka thup ngam banse ban kren namar ba wat ha ka sngi ba leit ontep u kyrtong ka VPP na Sohra u ai jingkren namar ba ki ong ba u dei u dkhot ka VPP, hynrei kumno ka Executive Committee ka klet halor kane ka bynta.
Halor kane u Bah Titos u la buh ka jingkyrpad ha u Shongknor ba un sngewbha ban pynrung ia kane ha ka thup bad kyntu ruh ia u CEM ban wanrah da ka official condolence ha iing dorbar ha ka sngi balai jong ka dorbar mang tyngka.
