Mumbai, Nialar 02: Ka National Film Development Corporation of India (NFDC), hapoh ka jingpeit jong ka Tnad Information and Broadcasting,Sorkar India, ka la sdang ia ka prokram ai jinghikai kaba pura bad ka jaka sah ha ka 3D Animation bad Visual Effects (VFX) kaba kyrpang na ka bynta ki briew kiba kwah ban don jingtbit ha kane ka kam na ka thain shateilammihngi jong ka ri India.
Kane ka prokram ka plieïabaroh ki briew nakinokino ki phra tylli ki jylla jong ka thaiñshateilammihngi: Arunachal Pradesh, Assam, Manipur, Meghalaya, Mizoram, Nagaland, Sikkim, bad Tripura. Ki nongaplai ki dei ban ym duna ia ka 18 snem ka rtahaduh u bnai Jylliew 2025.
Hadien ba la pyndep hok ia kane ka prokram, baroh ki nongiashim bynta kin ioh ia ka Joint Certificate ba la ai da ka NFDC bad ka National Council for Vocational Education and Training (NCVET).
Dei ban long ki10+2 pass, lane ba la passia ka klas 10 kaba ym duna ia ka lai snem ka jingshemphang ha ka kam kaba iadei. Ka bai pynrung kyrteng kaba duna, kaba yn ym pynphai shuhkaba long ₹1,180 kynthup ïa ki khajna ka long kaba donkam na ka bynta ban peitïa ki aplikeshon.
Ki kandidet kiba don jingmut ki lah ban pynrung kyrteng online da kaba leit sha ka website jong ka NFDC ha www.nfdcindia.com, lane da kaba leitbeitbeit sha ka rynsan ba kyrpang ban pynrung kyrteng ha https://skill.nfdcindia.com/Specialproject.
Ka tarik ba khatduh ban pynrung kyrteng ka long ha ka 15tarik Nailar, 2025. Na ka bynta ki jingkylli lane jingkyrshan kiba ïadei bad ka rukom thep kyrteng, ki kandidet ki lah ban thoh sha ka skillindia@nfdcindia.com
Yn jied haduh 100 ngut ki kandidet lyngba ka jingpeit bniah bad jingbishar bniah ban iaid lyngba ia kane ka prokram ai jinghikai kaba 8 bnai bad ka jaka sah, ka ban ai ha ka jingiatreilang bad ka nongiatreilang ban ai jinghikai jong ka NFDC ka Aptech Ltd. I
a ka prokram yn pynlong ha ka jaka ai jinghikai kaba la biang nadong shading ha Ghaziabad, Uttar Pradesh,bad yn phiah ha ki ar bynta: hynriew bnai ka jinghikai kaba jur ha ka kamraklas ha ka 3D Animation bad VFX, bud sa ar bnai ka jingpynpaw pyrthei ha ka kam lyngba ka jinghikai ha ka kam.
Ka jinghikai kan kynthup ïa ki jinghikai ba la leh da ki kti, ki projek kiba ïadei bad ka kam, bad ka jingïakynduhïa ki rukom treikam ba shisha ba la pyndonkam ha ki jaka shna phlim bad ki kompeni shna ïa ki jingthoh.
Ia uwei pa uwei u nongiashim bynta ba la jied yn ai ia ka laptop kaba khlain ban kyrshan ia ka jingpule jong ki ha baroh kawei ka prokram.
Kaba kongsan ka long ba ia ka jinghikai baroh kawei, kynthup ia ka jaka sah, la pynbiang khlem da hap ai jingsiew eiei. Kiba la jied kin ioh iaka jaka sah khlem da hap ai jingsiew, ka bam laisien ha ka shisngi, bad ka lad ban ioh ia ki jinghikai bad ka jingkyrshan khlem da don ka jingbah khia ha ka liang ka pisa tyngka.
Da kane ka sienjam la thmu ban pynthikna ba ki samla kiba don sap na ki thain kiba duna ha ka liang ka ioh ka kot bad ka jaka kin lah ban iashim bynta ha ka ioh ka kot jong ka India na ki kam digital kaba nang kiewkumba ioh iashim bynta ki briew na kiwei kiwei ki bynta jong ka ri.
Da kaba ithuh ia ka bor ban thaw jingthaw kaba khlainhynrei kaba ym pat lah ban pyndonkam bha jong ki jylla jong ka thain shateilammihngi jong ka ri India, ka NFDC ka la pynbiang lypa ia kane ka sienjam ban weng ia ki jingeh ha ki thain kiba iadei bad ka lad ban ioh ia ki jinghikai ba tbit bad ki jingtei ba biang.
Kane ka dei ka sien kaba lai kaba kum kane ka Residential Program jong ka NFDC kaba la aiti sha ki samla jong ka thaiñshateilammihngi, da ka jingthmu ban tei ladia ki briew kiba tbit ha ka kam digital art bad animation na ka thaiñ.
Ka prokram ka thmu ym tang ban aiia ki jingpyntbit ia ki nongiashim bynta hynrei ban long ruh kum ka lynti ban ioh kam ioh jam, ka jingseng kam seng jam, bad ka jingpynkupbor ia ka ioh ka kot kaba iaineh.
Ka NFDC, kaba long ka enterprise jong ka Sorkar India, ka la long ka jaka treikam kaba kongsan ha ka jingpynmihphlim bad ka kam saindur jong ka ri. Wat la ka long kaba la ithuh paidbah na ka bynta jong ka ha kaba pynmih bad kyntiew ia ki phlim India.
Ka NFDC ka la paw ruh kum ka tnat pyntreikam kaba lah ban shaniah na ka bynta ka jingkyntiew ia ka sap, kaba ai ia ki lad ki lynti kynthup ia ka jinghikai, ka jingbishar bniah, ka jingai jingpynbit, bad ka jingkyrshan ban pynioh kam.
Ka la long ka atiar ha kaba pynpoi ïa ki prokram ba la buh ryntih kiba pyndap ïa ki jingdawa ba nang kiewha ka kam M&E—ha kylleng ki bynta kum ka jingsaindur, ka jingshna phlim, ka VFX, ka gaming, ka jingshna ia ki prokram digital bad ka jingai jingpynbna.
