Shillong, Jymmang 27: Ka sorkar Meghalaya ka ba la ioh ia ka jingbthah ka ba bniah ha ka ban shim ia ki lad jingiada na ka jinwan ban lynshop jong ka eriong REMAL kata na duh ka 26 tarik u Jymmang 2024 bad ka ban dang bteng ha duh ka 28 tarik u Jymmang 2024.
Ha kane ka jingialang la bthah ia ki Deputy Commissioner jong ki District bapher bapher jong ka jylla ba kimdei satia ban thiah hynrei ba ki dei long ki ba peitngor baroh Arphew saw Kynta.
Ha ka jingiakren bad ki nongthoh khubor ha dien ba la kut ka jingialang u bah Prestone Tynsong u ba dei u Symbud Myntri Rangbah ka Sorkar Jylla u la iathuh ba ka Sorkar ka long kaba la pynkhreh ban ai ka jingiarap ia ki nongshong shnong jong ka Jylla, lada wan ban jia kino kino ki jingshah wan lyngshop ka eriong REMAL.
U bah Tynsong u la ong ruh ba ha kane ka jingialang bad ki Deputy Commissioner bad kum juh ruh bad ki bor Pulit ki la ioh ban iatai ia ki lad jingiada ha ba na ka liang ki bor district bad ka sorkar ki la long ki ba la pynkhreh ia kane ka jingwan jong ka eriong.
U la ongruh ba na ka liang ka sorkar ka la phah ia ki jingbthah shabaroh kynthup na duh ki tnadsorkar bapher bapher, ki dorbar Shnong bad ki nongshong Shnong ba kin ia treilang.
U bah Tynsong u la Kyntu ruh ia ki paidbah nongshong shnong ba kim dei ban khuslai hynrei ki dei ban ai ka jingiatrei lang bad ki tnad treikam bapher bapher jong ka sorkar jylla la ka long ha ki shnong ki thaw bad ha ki district.
U la ong ruh ba ka sorkar ka la pynkhreh ia ki songpisa ka ba ymduna ia ka 20 crore ban ai ka jingiarap ia kino kino ki briew ki ba mat ia ka jingtwa khyndew, ka jingtwa ki iing ki sem bad kiwei kiwei ki jingjia ha kine ki 24kynta ki ban sawan.
U Deputy jong ka Ri Bhoi District u A. Upadhyay IAS bad Deputy Commissioner jong ka Est Khasi Hills District u SC Sadhu IAS, la pynmih ia ka jingpynbna ba ki Kolej ruh kin khang la shai ka sngi ka 28/5/2024 ha baroh ar tylli ki District.
