Shillong, Nailar 06: Ka tnad Urban affairs jong ka Sorkar jylla kala lum ia ka jingialang bad ki kynhun jong ki nongdie Madan kiba la tip kum ka Shillong Roadside Hawker Association lem bad ka Meghalaya Greater Shillong Progressive Hawkers Association ban shong jingialang ha ka Provisional Town Vending Committee (PTVC )ha ka 6 Tarik u Nailar 2025, ha Urban Affair haba iadei bad ki kam pynriah ia ki nongdie Madan na rud surok sha ka jaka ba la pynkhreh da ka sorkar.
Ha ba kren sha ki lad pathai khubor hadien ba la wai ka jingialang na ka liang ka President ka Kong T Nongbri ka la pynpaw ba ka kynhun jong ka hun ia kaei kaba la iakren mynta ka sngi ha ka jingialang ba la khot da ka tnad Urban affairs bad ka la pyntip dang bun kiei kei ki ban hap iakren biang bad shen kin sa shong biang ia ka jingialang.
Na ka liang u Bah T Chen Na ka Shillong Road Side Hawker Association u la pyntip ba kane ka jingialang ka dei na ka bynta kito ki bym pat ioh ia ka Certificate of Vending bad kan peit ia ki jaka ki ba dang lait ban thep ia ki.
Na ka liang ka Kynhun jong ka Meghalaya Greater Shillong Progressive Hawkers Association kam shim la treh ban kren sha ki lad pathai khubor hadien ba la wai ka jingialang ba la khot da ka sorkar.
