Shillong, Rymphang 22: u Symbut Myntri rangbah ka jylla u bah Prestone Tynsong ba dei peit ia ka tnad kam poh iing ka jylla haba jubab ia ka jingkylli jong u u Rupert Momin haba ia dei bad ka Anti Dacoity Camp ha Mitegittim la ong ba ka sorkar ka dang bishar bniah ia kane ka jingpan.
Haba jubab ia ki jingkylli bynrap na ka liang jong u Symbut myntri rangbah ka jylla la ong ba kumba ka long kam don kano kano ka kyndon haba buh ia ka AD Camp, hynrei ha ki snem 1999, 2003 bad 2012 haka por ba ka thain Garo Hills ka don ha ka jingshong syier la buh ia kine ki jaka sah jong ki pulit.
La ong ba ha kawei kawei ka jaka ki don hadeng 10 bad 12 ngut ki pulit la shim na ki Police Station ia ki briew bad buh ha kum kine ki jaka ban ai jingshngian ia ki paidbah, hynrei mynta kine kim don kam shuh ba don ia kum kin ki jaka sah jong ki pulit.
Kaei kaba ka sorkar ka kwah mynta ka long ban pynbun shuh ia ki Out Post bad ki Police Out Post, symbut myntri rangbah ba dei peit ruh ia ka tand kam poh iing la ong ba don kam ban dang pynbha shuh shuh iaka rukom pahara ki pulit ha ka jylla.
