Shillong, Iaiong 07: Ka kong Rosetta Mary Kurbah IAS ka Deputy Commissioner ka East Khasi Hills District haba kren ha ka jingrakhe ia ka “World Health Day” kala ong ba don kam ban shim ia ka jingai jingmut ki riew stad, namar ka saian kala wanrah ia ki jingkylla ha kiba bun ki liang.
Haba kren ha ka jingrakhe ia ka sngi ka koit ka khiah ha ka Deputy Commissioner ka East Khasi Hills District kaba la long ha PCI Shillong kala ong ba ka jingdon ki ASHA ka long kaba kongsan namar ki dei ma kiba don ha ki shnong ki thaw kumta ki dei ki budlum ka koit ka khiah ha ka jylla.
La ong ba ha ka jylla iaka rukom ai jingsumar kaba biang, ki don 489 tylli ki dispensary, 110 tylli ki PHC, 23 tylli ki CHC bad 11 tylli ki hospital na ki 12 tylli ki District ha ka jylla bad kane ka jingphah peit haba ia dei bad ka koit ka khiah ka long kaba don kam bha bad kane ka jingsumar ka long ba baroh ki lah ban leh.
Ha kane ka sngi na ka jingkren jong ki Doktor baroh ki long pnypaw ia kawei ka phang bad kata ka long ban phah peit biah ia lade na ka por sha ka bor bad haba peit peit lah ban sumar ia lade ha ka por kaba biang ha kane ka sngi la ioh ban peit biah ia ki 30 ngut ki briew shimet.
