Shillong, Risaw 17: U bah Himalaya Shangpling MLA ka Mawsynram u la iathuh ba mynta ka sngi ki seng khasi na ki shnong bapher bapher kiba hap hapoh ka Mawsynram Konstitwensi ki la ia kynduh ia u myntri ba dei peit ia ka tnad pynneh pynsah riti dustur u bah Sanbor Shullai.
Haba kren ha ki lat pathai khubor u bah Himalaya u la pynpaw ia ka jingsngewnguh ia u myntri ba dei peit ia ka tnad pynneh pynsah riti dustur u bah Sanbor Shullai, la khot sha ka jingialang mynta ka sngi.
Ha ka juh ka por u pynpaw ia ka jingsngewsih ba um don lang ha ka jingialang namar ba um don hapdeng ka jingshitom, hyrnei na ka lang jong u myntri la ong ba kane ka jingialang ka dei ban iaid sha khmat ha ka jingdon lang jong u kum u MLA ka Mawsynram, ha ka jingiadon lang ki ophisar kumu bah Fredrick Kharkongor.
Ha kane ka jingialang mynta ka sngi ki paralok na ka seng khasi kiba don 17 tylli ki kynhun hapoh ka Mawsynram konstitwensi kila wan rah ban buh ia ka dorkhas ban pan ia ki jingiarap na ka sorkar kaba ki kwah ka long ba dei ban ai ia ka seng khasi hall.
La ong ba ki don ki hall kiba la jot, ki don kiba la jot la pei kumba ka long mynta, kila kyrpad ia ka jingkyrshan na ka sorkar ban ai kynja hall, kynja painkhana, ki kamra riam bad ki jaka pynkhreh ia ki jingialehkai bad kiwei kiwei.
U bah Himlaya la ong ba ki seng khasi sha ki nongkyndong ki long kiba tlot bor bad kim lah ban kyrshan da la de ban ioh shna ia kito ki jingshna kiba rem, ha kane ka jingiakynduh mynta ka sngi kid a sngewkmen shisha ba u myntri u la tyrwa ban kyrshan na ka jong u kum u myntri bad ka sorkar.
Dei halor ka jingkhot sngewbha u bah Sanbor myntri ka sorkar ba kine dkhot na ki seng khasi kiba dei na thain Mawsynram kila poi sha kane ka jingialang mynta ka sngi ban ia kynduh ia u myntri, kyrmen ba ka sorkar bad na ka liang jong u bah Sanbor kin leh ia kaba don kam.
U bah Himalaya la ong ba dei sa tang kine kiba lah ban pynneh iaki riti dustur ka niam jogn u khasi, na ka liang jong u ruh kum u MLA u kyrshan jur ia ki jingdon kam ban pynneh ia ki riti dutur khasi.
U Commissioner bad Secretary ka tnad pynneh pynsah riti dustur u la ong ba yn sa leh katba lah ban iarap da kaba phah ia ki engineer banjurip ia ki jaka puta bad ki jaka ban shna, kum u MLA la ong ba u la buh ka jingkyrpad ba dei ban leh ei ei namar don sa tang ar bnai ban trei kam kwah ba ka sorkar kan leh ei ei hapoh kane ka por. Kyrmen ba u bah Sanbor un shim khia ia kane ka jingdon kam.
