Shillong, Iaiong 24: Ki don 171 ngut ki khynnah skul jong ka Pine Mount School kiba la ia shim bynta ha ka jingshah hikai ban long Pailot iakaba la pynlong da ka tnad pule puthi jong ka sorkar jylla bad ka Samagra Shiksha – State Education Mission Authority of Meghalaya (SEMAM).
Ia kane ka jingai jinghikai la hikai da ka AVENUES bad ka jinghikai ka long haduh 20 kynta. Kum kine ki jinghikai ki long kiba don kam na ka bynta ki samla ka jylla ba kin ioh ia ka jinghikai bad ba kin long kiba lah ban shaniah ha lade. Kaba ki lah ban ia kren bad kiwei,ka pyrkhat pyrdain lyngba ka STEM bad ka jingsngewthuh ha la de ha baroh ki liang.
U Swapnil Tembe, IAS, State Project Director, Samagra Shiksha Abhiyan, jong ka sorkar Meghalaya u la don lang ha ka por ba sam ia ki syrnot sha ki samla pule kiba la wan ban ia shim bynta ha kane ka jingshah hikai.
Ha ka jingkren u Director ka SSA u la ong ba kampher la phi don kano kano ka jingthmu ba phin but ia ka thng ka jong phi kum ka kam kaba phin sa jied, la ka long ha ka kam Doktor, Hikai, Engineer, ki nongpyniaid ia ka ki kam sorkar, kaba kongsan ka long ba phin don ka jingshaniah ha lade.
Kane kan nym jia mar shimiet hynrei don kam ban hikai ban kren bad ban shah pyntbit bad long kiba iashah bad iaineh, la ong ban nym lah ban poi sha ka thong tang ha ka por ba ialeh nyngkong hynrei hp pyrshang bad ban nym kynran dien, bad ha ka juh ka pir ban don ia ka long briew man briew kaba bha bad kane ka dei ka rta kaba phi hikai.
Ha kane ka sngi la don ka jingkren ruh na ki khynnah skul kiba la pynpaw ia ka jingsngew kmen ka jingki ban ioh ia kane ka lat ban sah hikai, baroh kiba la ia shim bynta ha kum kane ka jinghikai na baroh 12 tylli ki District ha ka jylla ki don 2,700 ngut kiba la pynlong ha ki 15 tylli ki skul ha ka jylla.
