Shillong, Lber 27: U myntri rangbah u Conrad K Sangma ka jylla mynta ka sngi 27/Lber/2026 ula plie iaka jingiakop kinglieng kaba san sngi ha umiam Ri Bhoi District Ia kaba la tip kum ka 1st edition jong ka Indian Sailing League bad kane ka jingiakop kan kut ha ka 31 tarik.
Ia kane ka jingiakop la pynlong ha ka jingiatreilang ka tnad jngoh kai pyrthei ka sorkar jylla bad ka seng Umiam Sailing Club ha kane ka jingiakop la don 182 ngut ki nongiashim bynta, na kine 58 ngut kidei kiba la wan na phra tylli kiwei ki ri ka pyrthei.
Ha kane ka sngi u myntri rangbah ka jylla ula ai khublei ia u Lieutenant Colonel u Alok Yadev bad ia u bah Cyril V.D Diengdoh kiba la trei shitom ban pynlong ia kane ka jingiakop kinglieng kaba nyngkong bad ka jingthmu jong ka ka long ban khot ban wer ia ki briew na kylleng ka pyrthei ba kin wan sha Meghalaya.
U myntri rangbah ula ong ba kum ka sorkar kala pynkhreh kumno ban jam shakhmat ban kyntiew haki khatsan snem ban wan, bad palat iaka sanphew snem shakhmat la iathuh ba ka National Game kan long ha u snem 2027 bad u khmih lynti ba kin don kiwei ki jingialehkai kiba heh kum ka Olympic ha u snem 2036.
U myntri rang bah u don ka jingngeit skhem ba lyngba kine ki jingiakop yn lah ban dang rah iaka jylla kham shakhmat ha ka pyrthei ha kane ka sngi plie ia kane ka jingiakop kinglieng la donlang ruh u myntri ka jngoh kai pyrthei u Timothy D Shira bad kiwei kiwei ki ophisar khamtam ha ka jingiadonlang ki nongiashim bynta ha kane ka jingiakop kinglieng.
