Shillong, Lber 21: Mynta ka sngi ka 21/Lber/ 2026 naka liang ki nongkitkam ka Central Ri Bhoi Cricket Association kila pynlong daka 1st Central Ri Bhoi Cricket League 2026 ha Umsning sports and Caltural ha Umsning Patarim ,bad hakane ka Cricket Tournament kila don kumba 24 tylli ki kynhun kiba wan ia shim bynta haka 1st Central Ri Bhoi Cricket League 2026.
Ban ai mynsiem iaki nong pyniaid jong ka Central Ri Bhoi Cricket Association u President ka Meghalaya Cricket Association u James PK Sangma u la long u kongsan ha kane ka sngi u President ka RBYF u Bah Bipul Thangkhiew kum u symbud kongsan nangta u President ka Central Ri Bhoi Cricket Association u Bah Donkupar Sumer u Vice President u Bah Rocky Marwei kila ia don lang ha kane ka sngi.
Haba phai pat sha ka jingialehkai mynta ka sngi la ialehkai hapdeng Best of the Best Cricket Club Umiam bad ka Benris Cricket Club hakaba ka Benris kaba tied nyngkong kala ioh ban kamai run haduh 128 naka 20 Over bad ka Best of the Best Cricket Club Umiam kala iakhun tyngeh ban tied tam iaka run jong ka Benris cricket club kala ioh ban tied haduh 133 run hapoh ka 15 Over. Bad ka Best of the Best Cricket Club Umiam kala jop pyrshah iaka Benris cricket club.
U President ka Meghalaya Cricket Association u la pynpaw ka jingsngew kmen wat lada ka Central Ri Bhoi Cricket Association ha Umsning kam pat pyn iasoh bad ka Meghalaya cricket Association hynrei kane ka Association ha Umsning kala shim ia kane ka sien jam ban kyntiew shuh iaka jinglehkai Cricket hapoh ka jylla hi baroh kawei.
U la ong naka liang ka MCA kan iaidon ha syndah bad ka Central Ri Bhoi Cricket Association ban pyn tyllun iaki kam ialehkai Cricket bad u don ruh ka jingangnud bad kum u nongialam ba lamkhmat ka Cricket hapoh ka jylla ba kin sah mih ki rangialehkai napoh ka District ki ban ioh mihkhmat napoh ka jylla bad hapoh ka Ri India ban ioh ban phong iaka jersey Rong blue jong ka Ri India.
Ha kane ka juh ka sngi naka liang ki Nongialam jong ka Central Ri Bhoi Cricket Association ryngkat bad u President ka Meghalaya Cricket Association u James PK Sangma kila leit ban leit jurip iaka jaka ba la ai sngewbha daka Shnong Nongthymmai iaka Central Ri Bhoi Cricket Association ban pynlong iaka madan ka paka ban ialehkai cricket.
U President ka MCA u la pynpaw ha khmat jong ki nongialam ka Central Ri Bhoi Cricket Association ba shwa ban kut jong u snem 2026 kane ka madan kala dei ban pyndep iaka jing pyn madan ia kane ka madan kaba la ai sngewbha daka Shnong Nongthymmai.
