Shillong, Naiwieng 10: Ka Meghalaya Boxing Association haryngkat ka jingiatrei lang bad ka Boxing Federation of India kan pynlong ia ka 7th Elite Men’s Boxing Championships, 2023 na duh ka 25th u Naiwieng haduh ka 1st u Nohprah 2023.
Ia kane ka jingiakop kur kan long ha poh ka Sports Authority of India (SAI) NEHU campus. Ia kane ka lympung jingialehkai yn bei pisa da ka tnad ialehkai jong ka sorkarJylla, ki ban ia shim bynta baroh ki long 350 ngut.
Ha kane ka jingiakhun yn wan ban ia shim bynta da ki nongiakura bapher bapher jong ka ri ki ba la juioh ban leit mih khmat ia ka ri ha ki lympung bapher, bad ki ba la juioh ruh ban khuria ki takma.
Ha ka ba iadei bad kane ka jingpynlong ia kane ka jingiakop na ka liang ki nongpyniaid u President U bah Cornelius Kharhunai, U bah Dondor Marwein General Secretary ka MBA, U bah Lary Kharpran join secretary BFI bad kiwei kiwei kila pynpaw ia ka jingkmen ba ka tnad ialehkai ka sorkar jylla kala iarap.
Ha kane ka jingiakhun yn wan ban ia shim bynta da 27 ne 28 tylli ki jylla bad da ki synjuk bapher bapher, ha kane ka jingia kop yn ioh ia ki rang na ki jylla bapher bapher ki ban pyni ia ki sap jong ki ha ki 13 tylli ki kyrdan jong ka jingiakura.
Ha kane ka jingiakop yn pynlong ha ki kyrdan bapher ri bapher, bad kin don ruh ki rang iakura ki ba la paw ha ka RI bad sha bar Ri ruh kumjuh, ki la bynrap ruh ba kin don ki rang iakura kiba na ka jylla ki ban wan ia shim bynta ha kane ka lympung.
