Shillong, Jylliew 13: Ka Child Friendly Shillong ryngkat bad ki Child Rights Club jong ka Mawlai Nonglum, Motsyiar, Nongpathaw ki la pynlong ia ka Road Safety Awareness Program ha ka 8 tarik u Jylliew, 2024.
Ha kane ka sngi la don lang ryngkat ka jingkyrshan lang jong u President Mawlai Town hall Bah H .War , u rangbah shnong jong ka Mawlai Nonglum Bah J.S War bad katto katne ki khynnah samla na ka shnong Mawlai .
La sdang ban iaid iaka rally na ka shnong Mawlai Nonglum ,Pump , Motsyiar ,Umjaiur bad Nongpathaw .55 ngut ki khynnah na ka Club bapher bapher ki ia don bynta ha kane ka rally bad ki dawa ia ka hok ba ki nongniah kali kin husiar bha khamtam kaba dei na bynta ka jingbha jingmiat jong ki khynnah
Ki Slogan ba ki khynnah ki ia pyrta ki long “Im slem kiba niah suki”, “Ngi kwah jingsuk jingshngain ha surok”, “Wat nym pynieng kali ha ki surok”, “Phong ia ki helmet haba niah ar shaka”, “Wat dih kyiad haba niah kali”, “wat nym lehkai phone haka por ba niah kali/arshaka” kumta ter ter. Ia ki slogan ki khynnah ki ia pyni lyngba ki chart paper ruh kaba dei shaphang ka Road Safety.
