Shillong, Naitung 21: Mynta ka sngi kila don hynniew ngut ki samla pule na Meghalaya kiba la ioh ban ialam na Bangladesh sha Kolkatta da kaba wan kit da ka lieng suin jong ka Bangladesh ka Biman Bangladesh Flight.
Kine ki samla pule na Meghalaya kila poi sha kad lieng suin Kolkatta por phra baje mynstep bad na ka liang jong ka sorkar jylla kan wan ialam ia ki sha la ka jylla da ka lieng suin IndiGo bad kin poi sha kad lieng suin Guwahati por 5.30 baje jan miet.
Kine ki hynniew ngut ki samla pule kiba la poi sha Kolkatta ki long, Beni Longman Lyngdoh, Lampura Sutnga, Sedilia Kharmalki, Beautiful Rymbai, Shaun Khongwar, Douni Iawbor bad Ha-i-Wot Lytan.
