Shillong, Kyllalyngkot 16: Ki iing kiba la shah ktah baroh ha ka jingpluh ding ha ka Geonka Compound ha ka jan miet ka 16 Tarik Kyllalyngkot 2026 kaba hap hapoh ka jingpeit jong ka Shillong Cantonment Board ki long 74 tylli bad ki briew baroh kiba la shah ktah ki long 334 ngut ha kane ka jingpluhding.
U Additional Deputy Commissioner jong ka East Khasi Hills District u Bah S. Warjri ha kren ha ki lat pathai khubor mynta ka sngi ka 17 tarik Kyllalyngkot 2026, u la ong ba ym baroh ba ki don ha katei ka por ba jia ka jingpluhding, ki don kiba leit trei ki don kiba leit shnong bad ha kane ka jingpluhding kam shym don kano kano ka jingjia kaba sngewsih.
Na ka liang jong ki bor jong ka District Administration mar ia ioh ia ka jingtip la pyntip sha ka District Disaster Management, sha ki shipai Border Security Force, ki India Army, ki shipai suin ha kaba kila wan ban iarap ban tem ia ka jingklang ka ding bad ka jingkloi ban poi ki kali pynlip ding bad bun kiwei ki kynhun kiba la wan ban iarap.
Na ka liang jong ka District Administration kala ai ia ka bam bad jaka sah shipor na ka bynta jong kine briew kiba la duh ia la ki iing ki sem ha ki ar tylli ki jaka, kawei ha Gurudwara kaba don ha Anjalee Cantonment Board, kawei ha Gurdwara ha Panjabe lane, hynrei kine ki briew kim leit ban sah namar ki tmang ia ka iing.
Ban pyniang ia ka jaka sah na ka bynta jong ki ka District Administration mynta ka sngi kala sdang ban pynshna ia ki jaka sah ba shipor daki siej, ia ki jain kup, kum ki blanket la ai ia ki naduh miet ka 16 tarik Kyllalyngkot 2026. Ha kane ka jaka la buh ruh ia ka kynhun ki doctor ban peit ioh don kiba pang shitom kiba kyndit na kane ka jingjia pluhding ha kane ka jingjia kaba sngewsih.
