Shillong, Jylliew 22: U shongknor jong ka “National Commission for Protection of Child Rights” u Priyank Kanoongo, mynta ka sngi la kren shai ba ki iing bishar jong ki District Council lah ban tian bihsar ia ki kam lehbeijot, hapoh ka ain “Protection of Children from Sexual Offences (POCSO), 2012.
Haba kren sha ki lat pathai khubor mynta ka sngi ha Main Secretariat Shillong, u Priyank, la ong ba ka NCPCR kan sa khot ia ka jingialang jong baroh lai tylli ki District Council ha kane ka jylla ban ia kren ha kaba ia dei bad ki lat jingiada ia ki khynnah namar ha kane ak jylla ki don lai tylli ki District Council.
La iathuh ba ha kane ka jingialang kaba lalong mynta ka sngi la shem ba ki khynnah ha kane ka jylla Meghalaya ki don haduh 4000 ngut kiba don ia ki jingduna ha ki dkhot met, la ong ba ha ki shnong ki thaw ki don ki NGOs haduh 94% ban peit ia ka jingiada iaki khynnah.
Haba ia dei bad ki dukan die dawai na kane ka jylla kiba la register ki don 731 tylli kiba dei ia ki dawwai Schedule X bad na kine 567 tylli kiba la buh ia ki CCTV kamera bad la bthah ia ka tnad pulit bad CID ba kin peit bha ioh ki khynnah kin thied ia ki dawai ba ymd ei ban ai khlem ka jingthoh na ki doktor.
La kdew ba ki don ki Madasa ha kane ka jylla Meghalaya bad u la bthah ba ia kine ki khynnah kiba don hapoh ki Madrasa dei ban phah ia ki skhul namar ka dei ka hok ka jong ki ban ioh leit skul haduh ka rta kaba 14 snem.
La ioh jingkhein ba ki khynnah ha kane ka jylla kiba la ngat ha ka jingpang Niangkhulia ki don haduh 364 ngut bad kiba la heh ki don haduh 8000 ngut, la bthah ia ka sorkar jylla ba kan kham pynbun ia ki pulit kynthei ha kane ka jylla ban ai ka jingiada ia ki khynnah.
Ka ain ban shong kha ia ki khynnah kynthei ka dei ban long 18 snem ynnym lah ban pynduna na katta, kane ka dei kaba ka NCPCR, ha kane ka sngi la don lang ruh ka Secretary jong ka kommission ka Rupali Banerjee Singh bad ki heh jong ka sorkar jylla.
