Shillong, Kyllalyngkot 30: Mynta ka sngi ka kala sdang ka eksamin Secondary School Leaving Certificate, kaba la tip kum ka Matrik kaba la pyniaid da ka Meghalaya Board of School Education mynta u snem 2026.
Baroh ki khynnah kiba thoh ia kane ka eksam mynta u snem ki don 48793 ngut, bad ki jaka thoh eksam baroh ki long 171 tylli, ha Shillong Region ki don 97 tylli bad ha Garo Region ki don 74 tylli kane ka jingkhien ka long katkum kaba la phah na Meghalaya Board of School Education da u bah M Marbaniang Director Shillong Region.
Ki skul kiba don ha ka jylla kiba pyniasoh bad ka Meghalaya Board Of School education ki don 1935 tylli, ka por thoh eksam ka long 10.00 baje mynstep, ia ki khynnah ba kin rung ha ki jaka thoh eksam la shah naduh ka por 9.00 baje bad ha ki kamra thoh eksam la shah ba kin rung ha ka por 9.30 shiteng.
Mynta ka sngi sdang ki kmie ki kpa kila leit ban synran ia la ki jong ki khun ki ktin sha ki jaka thoh eksam bad ki khynnah ruh wat shuwa ban rung ha ki jaka thoh eksam ki dang ialeh ban pule ia ka sybject ka kinthoh mynta ka sngi, kane ka eksam kan kut ha ka 11/ Rymphang/ 2026.
