Shillong, Nohprah 13L ha ka 13 tarik u Nohprah 2025 ha ka por 4:03 baje nohphaisngi da ka PIB Shillong Ki kynthei na Meghalaya ki long kiba hakhmat eh ha ka kam kaba iadei bad ki mar jot bad ki longkum ka nuksa ha kaba wanrah ia ka jingkylla kaba lah ban iohi ha ka jingpyniakhlad ia ki mar jot.
Kawei na kum kine ki jingai mynsiem ka dei ka kynhun Self Help Group (SHG), kaba la ju khot paidbah kum ki “Merry Maiden jong ka Shillong” ka la kylla sha ka seng kaba pynïaid ïa ka jaka pynkhuid ia ki mar jot.
Ka Merry Maiden ka la sdang nyngkong kum ka kynhun jong ki kynthei kiba lum ia ki mar jot na ka jaka bret jaboh ha Marten. Ka kynhun mynta ka pynmih ia ka sboh da kaba pyndonkam ia ki buit tynrai, kaba pynkylla ia ki jaboh jabaiñ sha ki jingdon jingem kiba kordor.
Ka jingjop jong ka SHG ka wan na ka jinghikai ba man ka por bad ka jingkyrshan teknikal na ka tnad Urban Affairs. Lyngba ka jingkyntiew ia ka bor treikam bad ka jingkyrshan jong ki kynhun treikam, ki kynthei ki la pynkylla ia ka kam kaba eh bad kaba ju shah khein bein sha ka kam kaba ryntih, kaba don burom bad kaba lah ban iaineh.
Ka kam jong ki ka long ban pynduna ia ka jingbah khia ki jaka bret jaboh, ban pynbha ia ka koit ka khiah jong ka khyndew, bad ban kyntiew ia ka jingpyniakhlad ia ki jaboh da kaba kitkhlieh ha ki shnong ba marjan.
Ha ryngkat ki jingmyntoi ia ka mariang, ka kynhun ka la pynkhlain ia ka ioh ka kot kaba khuid ha ka thain, kaba pyni ia ka bor ha ka imlang sahlang ban wanrah ki jingpynbeit na ka shnong ka thaw.
Ki Merry Maiden of Shillong mynta ki long kum ka nuksa kaba khlain bha kumno ki jingpyrshang ba la ialam da ki kynthei, haba la kyrshan da ki jingiarap jong ki jylla, ki lah ban ai ia ki lad ki lynti kiba iaineh ban pynbeit ia ki jingeh ha kaba iadei bad ka kam kaba iadei bad ki jaboh katba ki dang kyntiew ia ka roi ka par kaba kynthup lang ia baroh bad kaba neh ha ka jylla Meghalaya.
Katkum ka jingpynshlur jong ka Sorkar Meghalaya ban pynkhlain ïa ki rukom pynbeit ia ki jaboh, ka Jylla ka sakhi ïa ka jingkiew kaba ai mynsiem ha kylleng ki katto katne ki distrik. Ka jingkyntiew ia ka jingpyniakhlad ia ki jaboh, ki prokram pynlong sboh ba la ialam da ki paidbah, bad ka jingpynkhlain ia ka jingpeit bniah ia ka mariang ki pynkylla dur thymmai ia ki rukom pynkhuid ia ki jaboh ha ka thain.
Napdeng ki jingmih kiba bha tam jong kane ka jingkylla ka long ka jingkiew jong ki sienjam ba la ialam da ki kynthei ba la kyrshan da ki tnad sorkar. Ka India ka sakhi ia ka jingkylla ha ka rukom pyndonkam ia ki jaboh, kaba la wanrah da ki sienjam hapoh ka tnad Housing bad Urban Affairs, ka sorkar India, bad ki sienjam jong ki sorkar jylla bapher bapher.
Da kaba pynleit jingmut ha ka jingpyniakhlad naduh ki tyllong, ka jingpynduna ia ki plastic, ka jingpynmih sboh, bad ka jingiashim bynta jong ki paidbah, kine ki prokram ki pynkylla dur biang ia ka rukom ba ki jaka sor ki pynbeit ia ki jingeh kiba iadei bad ka jingpynkhuid ia ki jaboh bad ki mar jot.
