Shillong, Naitung 02: Ka Executive Committee jong ki nonghikai Adhok hapoh jong ka lama “Federation All School Teachers of Meghalaya” ha dien ba ka jingiashong pyrkhat kam kila aiti sha ki nonghikai ban shim ia ka rai la kin dang bteng ne sangeh noh ia kane ka jingiakhih, ia kane la tyrwa da u bah Maybon Lyngdoh sha ki nonghikai.
Haba la ioh sngew ia kane ka jingtyrwa kaba la mih na u bah Maybon Lyngdoh, ki nonghikai kiba la shong kyllain mungor ha jaka ieng kali ha jan additional secretariat kila ia pyrta da kaba rah kti ba kin bteng ia ka jingiakhih ka jong ki haduh ban da shim rai ka sorkar ia ka jingdawa jong ki.
Halor kane ka jingpyrta ki nonghikai ba kin bteng ia kane ka jingakhih shnong kyllain mungor ka Executive Committee kaba don ha katei ka jingialang kila pdiang ia kane ka rai da kaba rah kti ban bteng ia ka jingiakhih haduh ban da rai ka sorkar halor ka jigndawa ban pynkiew tulop.
U bah Maybon Lyngdoh la iathuh ba bun ki nongialam sain pyrthei kila poi ban sngewlem ia ki, kum ka TMC, BJP, KHNAM, ki seng bhalang kum ka KSU, HYC, HNYF bad kiwei kiba la iarap ia ki ban ai bam kum ka jingsngewlem ia ki nonghikai kiba don ha kane ka jingiakhih.
Haba lor ka jingkynnoh u bah Prestone Tynsong, u nongialam ka FASTOM la ong ba kim don kano kano ka jingthmu da kuwei pat hynrei ki don tang kawei ka jingthmu ba ki dawa na ka sorkar ba ban shim ia ka rai ban pynkiew ia ka tulop jong ki nonghikai Adhok.
