Shillong, Jylliew 23: Ka Hill Farmers Union mynta ka la leit ban rah ia ka Dorkas sha u myntri rangbah ka Jylla halor shibun ki mat kiba ki Nongrep kin ioh ia la ka hok.
Ki nongialam mynta ka sngi hapoh ka jingialam jong u Bah Commamder Shangpliang kum u President bad u Bah Allfondbirth Kharsyntiew kum u General Secretary ka HFU ki la buh ki mat dawa na ka Sorkar ban wanrah ia ka polisi kaba biang ha ka rep ka riang ha ka jylla.
Ka seng ka la pynkynmaw ruh ia ka sorkar ba ka jingsahngeh siew jong ka sorkar ia Pisa lyngba ka PG ka la wanrah ia ka jingsngewsih ia kiba bun ki nongrep kiba la trei shitom ban form ia ki PG. Ka seng ka la pynpaw ia ka jingsngewkhia halor ka jing bym ioh shuh ki Nongrep na ka jylla ia ka PM kissan bad kyrpad ia u CM ban ia kren sha Delhi.
Ka jing pynslem ka sorkar ban siew ia ka bailut ksan sha ki nongrep haba shah pynjulor ha ka Mariang bad kane ka dei ka jingeh kaba khraw ba u nongrep u ia kynduh bad kyrpad ia ka sorkar ban peit lem.
Halor kine, ka jingleit ia kynduh jong ka Seng na ka Liang jong u Chief Minister u la kular ban shimkhia bad pynpaw ruh ba ka sorkar jong u ka long ka ba kloi ban ia treilang bad ka seng ban kyntiew ia ki Para nongrep ha kiba bun ki liang.
