Shillong, Rymphang 11: U myntri rangbah ka jylla u Conrad K Sangma mynta ka sngi u la plie ia ka skul kaba la ai kyrteng Bishop Mama Memorial School ha Saltopgre ha ka jingdon lang u Bishop Rev. Andrew R. Marak, Rev. Jose Chirackal bad ki khynnah skul bad ki riew paidbah na kane ka shnong.
Haba kren kum u kongsan u myntri rangbah ka jylla u la ong ba ka jingpynkylla kaba ka jingnang jingstad ka ai ka long ban wanrah ia ka jingkylla ha ki briew shimet shimet bad ha ka imlang sahlang, u ai ka jingiaroh ia ka balang bad ia ki bor pyniaid ia kane ka skul bad kila ia treilang ban seng ia ka skul bad ha ka juh ka por ka sorkar ka dang pynkhlain shuh shuh ia ki jaka pule ha ka jylla.
Umyntri rangbah ka jylla u la ong ba ka jingkyntiew ia ka pule puthi kam dei tang ki nonghilai marwei hynrei ka dei ka kamram ruh jong baroh, naduh ki paidbah ha ka imlang sah lang bad ki kmie ki kpa ruh kumjuh don kam ban ia treilang.
U la pynkynmawba u kpa jong u, u Purno A Sangma la shimti da ki Katholik Missioneri na ka shnong kaba rit bha ka Chapahati bad kila pynnang pynstad ia u bad lyngba ka jingstad kala pynkylla ia ka lawe ka jong u bad dei na ka jingstad kaba u don haduh ban shah jied kum u Lamphang ka dorbar Lok Sabha.
U la ong ba u P A Sangma u dei u briew ba ieit bha ia ka jingstad,la ong ba ma ruh u long kumba long lem kiwei ki khynnah jaituh ban leit sha skul, dei na kabe ba don kam ia ka jingkyrshan bad btin lynti ia ki khynnah ha ki snem kaba ki dang dei ban khi ban san.
Ka jingplie ia kane ka skul ka Bishop Mama Memorial School kan long kawei pat ka jingkyrkhu ha ka pule puthi ha ka shnong Saltopgre kumta la khmih lynti ba kan noh syniang ha ka pule puthi ha kathian, ha kane ka sngi ia ka jingkyrkhu la pyndep da u Rev. Andrew R. Marak bad Rev. Jose Chirackal ban pan ia ka jingkyrkhu ia ka skul bad ki samla pule.
