Shillong, Jylliew 14: U Myntri Rangbah ka jylla u Conrad K Sangma mynta ka sngi u la long u kongsan ha ka jingpynkup burom kaba san ia ki samla pule jong ka skul bah ICFAI University kaba la long mynta ka sngi ha State Convention Centre, Shillong ha ka jingdon lang u myntri ka tnad pule puthi u Rakkam A Sangma.
Haba kren ha kane ka jingpynkup burom ia ki samla kiba la pass ia ka Master Degree kiba don haduh 600 ngut ha ki kyrdan pule bapher bapher ha katei ka skul bah, la ong ba ki samla ki dei ka bor jong ka Ri bad ka long ruh ka jingialeh ia ki jylla ne kano kano ka ri jong ka pyrthei.
Kumba ka long mynta ka Ri India ka dei ka ri kaba la kiew sted ha ka ioh ka kot bad ha ki jingpule bapher bapher bad ki samla ki dei ka bynta jong ka jingkiew ha ka ioh ka kot bad ki samla ki dei ban shim ia kane ka kabu.
Ha kane ka sngi u myntri rangbah ka jylla u la kren ia ki katto katne ki bynta kiba lah ban kyntiew ia ka ioh ka kot kum ka kam shangsuwari, ki kam IT bad kiwei kiwei, ki ban kyntiew ia ka ioh ka kot jong ka Ri bad ka jylla.
U Myntri rangbah ka jylla u la ong ba ka jingwan ki kor ki bor jong kane ka juk kaba mynta ka long kaba stad bha bad ka jingdon kam ha kane ka juk kaba mynta bad kane kan long ka lat ban weng ia ki jingeh. Ha kane ka sngi la sam ruh ia ki syrnot da u myntri ka tnad pule.
