Shillong, Naiwieng 21: U bah Lakador Syiem IPS, member Secretary Central Recruitment Baord la iathuh kiba apply na ka bynta ka kam pulit ki don haduh 1.70 lak ngut bad kiba la shah jied ban wan mareh ia kaba la tip kum ka Physical efficiency test.
Ka CRB kala pynbeit ban pynlong ia kane ka jingpynmareh haki san tylli ki jaka, 1st battalion Mawiong, 2nd battalion Goragre, 3rd batallion sahbsein, 4th batallion Sohpian bad ha 5th batallion Samgong, ha kane ka jingpynmareh 5 km ia ki shynrang bad 3km ia ki kynthei.
Ki samla kiba la shah jied la ai ha ki ia ki jaka ba kin leit ban mareh bad kum juh ia ka tarik bad ha kaba ki wan ban mareh ki samla ki dei ban wanrah ia ki kot ki sla kiba pynshisha ia ka jingpule ka jong ki bad ba kin lah ban mareh katkum ka kam kaba kila apply.
La batai ba hadein ba la dei ban peit ia ka koit ka khiah ka jong ki la ialam sha ka jaka ban thew ia ka jingjrong ka jong ki bad kila biang ki ioh ban mareh bad kiba duna kin shah kyntait noh bad ha dien kata la shim ruh ka jingshoh kti ka jong ki ban pynshisha ban nym don ba wan da kiwei pat.
Ki samla kiba apply kihap ban mareh 15 sien pyllun naka bynta ki shynrang bad ia ki kynthei ki hap ban mareh 9 sien pyllun, ia kine ki jingpynmareh la sdang ha Mawiong ha ka 18/11/2024 bad kin long ha ki san tylli ki jaka katkum ka tarik kaba la buh.
Ha ki jaka ba pynmareh la pyndait ia ki CCTV la buh ha ki jaka jaka ba lada don kano kano ka jingujor kin lah ban shim na kine ki jingring dur, kane ka jingpyndon kam ia ki kor ki bor ka long shibynta jong ka PET ban pynthikan kan long 100% kaba biang bad ba kan nym don kano kano ka jingleh bakla.
