Shillong, Jylliew 19: U Dr Mukul Sangma nongialam ka liang pyrshah mynta ka sngi u la ong ba ka sorkar jylla ka dei ban thoh sha ka sorkar pdeng ban pan jingpynshai balie ba pynjlan ia ka jingai Tika na ka kaba nyngkong sha ka bar arsien.
U Dr Mukul u la ong ba um iohi ba kan don kano kano ka jingpynshisha da ki jingwad bniah ban hap ban pynjlan na ka jingai Tika kaba nyngkong bad kaba ar sien ia kaba la pynjlan na ka 12 lane 16 taiew.
U la ong ba lada ka long kumne lada ka jingsar ka khlam ha kasien kaba lai ka Ri India baroh kawei kan nym pat long kaba la khreh ban iada ia ki paidah na ka jingshah lynshop bad u kyrmen ba kan nym jia kumta.
U Nongialam ka liang pyrshah u la ong ba kila ioh ia ki jingujor na kylleng ba kito ki shnng kiba shah khangdam na kadaw jong ka khlam COVID-19 kila ia kynduh jingeh ha kaba ia dei bad ki marbam mardih namar ki jngai na ki iew ki hat, ka sorkar ka dei ban peit ba kito ki shnong ki dei ban ioh ia ki marbam.
Katkum ka Pandemic Act 2005, kala kren shai ba ka dei ba kam jong ka sorkar ban pynbiang ia ki marbam sha kito kiba kynduh jingeh na ka daw jong kane ka khlam, hooid ki sengthuh ia ki jingeh kaba ka sorkar ka ia kynduh hakum kane ka por hynrei ym dei ban khein sting pat.
Ha kane ka jingailang jong ka CLP kaba la long mynta ka sngi kila iohi ba ka jingkiew kane ka jingpang COVID-19 sha ki nongkyndong, hynrei ka jingeh ka long ba ka jingtest ia ki briew ka long kaba dukan haduh katta katta ka sorkar ka dei ban pyndon kam ia ki bor kiba ka don kum ka tnad pynroi nongkyndong, ki CHC, PHC ban leh ia kane kam khang ban lah ban iada na ki jingsaphriang kane ka khlam COVID-19.
