Shillong, Risaw 31: Kum shibynta ban pynkynmaw bad ai jingtip ia ki paitbah ka jylla Meghalaya haba ia dei ki jingdih jingbam ba hap ha ka thup Tobacco, ka PGIMER Chandigarh, NEIGHRIM Shillong bad ka Union SEA, New Delhi.
Ia kane ka jingialang la pynlong ha ka jingiatreilang ryngkat ka NTCP Meghalaya ka la pynlong ia ka State Level Workshop To Implement WHO-FCTC Article 5.3 Policy In Meghalaya, India. Halor ka phang, My Meghalaya-Tobacco free-Meghalaya.
Ia kane ka jingialang la pynlong ha Landmark Hotels, Shillong ha kaba la wan ban iadon bynta lang ka Dr Lana E Lyngdoh Nongbri ka ba dei ka State Nadal NTCP Meghalaya kumjuh ki heh ophisar ka tnad pulit lem kiwei de ki ophis na ki katto katne tnad sorkar jylla.
Haba ai jingkren ha kane ka sngi ka Dr Lana E Lyngdoh Nongbri ka la ong ba ka jingthmu ba hakhmat eh jong National Tobacco Control programme ka dei kumno ban pynduna shuh shuh na 48% ka jingpyndonkam Tobacco.
Ka jylla ka long ba ar ha ka jingdih Duma ha ka ri, ka jylla ka long ba 15 ha ba iadei ka smokeless Tobacco. Ka Dr Lana E Lyngdoh Nongbri ka la ong ba ka long ka ba sngewkyndit bad sngewsih shi katdei ban tip ba ka jingiap na ka daw jong u Tobacco ka long haduh 8000 ngut man u snem.
