Shillong, Nailar 7: Ka tnad ka koit ka khiah mynta ka sngi kala pyntip ba baroh kiba la test COVID-19 ki long 524 ngut, kiba la test bun eh mynta ka sngi ki dei na East Khasi Hills District 271 ngut, West Garo Hills 63 ngut, kiba dang shitom baroh ki long 5323 ngut.
Kiba la koit na kane ka jingpang mynta ka sngi baroh ki long 709 ngut, kiba la koit buneh ki dei na East Khasi Hills 244 ngut, na Ri Bhoi 136 ngut, kiba la koit baroh na kane ka jingpang ha kane ka jylla Meghalaya kila long haduh 62154 ngut.
Ka tnad ka koit ka khiah kala pyntip ba kiba la khlad mynta ka sngi na kane ka jingpang ki long 7 ngut, na kine 6 ngut ki dei kiba khlem pat ai Tika, kiba khlad ki long na East Garo Hills 1, East Khasi Hills 3, West Khasi Hills 3 ngut baroh kiba khlad kala kiew sha ka 1154 ngut haduh mynta ka sngi.
