Shillong, Rymphang 28: Ka tnad Personnel, Public Grievances & Pensions, Department of Personnel bad Training ka sorkar pdeng ha ka 13/Rymphang/2026 kala pynmih ia ka jingpynbna sorkar bala kyntiew ia ki saw ngut ki ophisar ka jylla Meghalaya sha ka kyrdan IAS.
Ha kane ka jingpynmih ia kane ka jingpynbna ka sorkar pdeng kala ong ba katkum ka bor kaba la ai ha ka Rule 8 (1) jong ka Indian Administrative Service (Recruitment) Rules, 1954 da kaba pule ruh ia ka Regulation 9(1) jong ka Indian Adminstrative Service (Appointment by Promotion) Regulations, 1955 and Rule 3 of the Indian Administrative Service (Probation)Rules, 1954.
Ka President jong ka Ri India kala sngewbha ban na ka State Civil Service jong ka Meghalaya ba kin kiewsha ka kyrdan Indian Adminstrative Service katkum ka jinglai thylli ki kam ha ka sorkar pdeng jong ka India under Regulation 5(1) ha dien ka jingiamir jingmut langbad ka sorkar jylla na ka bynta ka bhah u snem 2024.
Kane ka bhah ka dei naka Assam- Meghalaya Joint Cadre, katkum ka Rule 5(1) jong ka Indian Adminstrative Service (Cadre) Rules, 1954, ki saw ngut ki MCS kiba la shah kyntiew sha ka kyrdan IAS ki long Aitinolin L.Mawlong, Rikse R. Marak, Mary Sonty N. Marak bad Ibashisha Mawlong, ia ka jingpynbna la soi da ka Kavita Chauhan under Secretary jong ka sorkar Meghalaya.
