Shillong,Naitung 29: U bahut Renikton L Tongkhar myntri ba dei peit ia ka tnad Sam um ha ka jylla u MLA ka Mawkyrwat konstitwensi u la iathuh ba na ka liang u myntri rangbah ka jylla u Conrad K Sangma, u la kular ban pynmang pisa noh na ka mang tyngka jong ka sorkar jylla ban shna ia ka surok na Mawphlang -Mawkyrwat -Ranikor.
Ha ba kren bad ki lad pathai khubor u bah Thongkhar u la iathuh ba ka jingleit hiar jong u Myntri rangbah ka jylla sha ka thain Mawkyrwat ka dei ka jingkyrkhuh ka ba khraw na ka bynta ki nongshong shong kane ka thain ha ka ba u la ioh lad ruh ban pynsngewthuh ha u myntri rang bah ia ka jingdonkam ban shna noh ia kane ka Surok Mawphlang -Ranikor ka ban iaid lyngba na Mawkyrwat.
Ha kane ka jingleit u myntri rangbah sha Mawkyrwat , la ioh ia ka lad ban ia kren bad ban pynsngew ha u ia ka jingdonkam ban shna pynheh ia ka surok Mawphlang sha anikor ka ba la shah weng na ka thup National Highway ha ka sorkar pdeng bad ha ka jingjynsur mynsiem u myntri rangbah u la kular ba ha kine ki khynniat bnai yn sa mang pisa ban pynshna ia kane ka surok.
Lah ban kdew hangne ba ia ka surok Mawphlang -Ranikor la shah pynsangeh noh ka jingmang pisa na ka sorkar pdeng namar ba kane ka surok namar kam hap hapoh jong ka National Highway.
U bah Reniktone u la pynpaw ka jingsngewkmen halor ka jingshim khia u myntri rangbah ban kular ba ha kine ki khynniat bnai yn sa pynmang pisa noh ban shna ia kane ka surok, u la ong ruh ba lada ka sorkar kan shna ia kane ka surok kan wanrah jingmyntoi ia ki san tylli ki Constituency.
ban pynkynmaw ba ki saw ngut ki MLA, u bahut S K Sunn, bah H.M Shangpliang, bah Pious Marwei bad u bah Renikton ba dei myntri ka sorkar mynta kila ia kynduh ia u myntri rangbah halor kane ka surok.
