Shillong, Iaiong 9: Mynta ka sngi 9/Iaiong/2026 u Myntri rangbah ka jylla u Conrad K. Sangma u la khot ban ia kren ia ki Muster Roll bad ha kane ka jingiakynduh na ka liang jong ka All Meghalaya Muster Roll Union la ialam da u bah Khroo Pariat.
Haba kren ha ki lat pathai khubor hadien ka jingiakynduh ia u myntri rangbah u nongaibuit ka All Meghalaya Muster Roll Union u bah Khroo u la ong ba na ka liang jong ki kila pynsngew ha u myntri rangbah ia ka jingpynbna sorkar na ka tnat Personal bad kiwei kiwei ki tnat sorkar.
U la iathuh ba ha kane ka jingiakynduh u myntri rangbah ka jylla u la ai ka jingkular ba un sa pynbeit ia baroh ki tnat sorkar ha ka jylla Meghalaya ba kin bud ia ki jingbthah bad imat ka don ka jingbymiabiang ha ka jingai ia ki jingtip hynrei mynta yn sa pynbeit ba baroh kiba khlieh ia ka tnat sorkar kin hap ban bud ryntih katkum ki jingpynbna sorkar.
Ha kane ka jingiakren kila ban jur ba ka sorkar ka dei ban kyntiew ia ka bai bylla ar sien ha ka shi snem kata ha ka 1Iaiong bad 1Risaw haba ia dei bad ka jingpynkiew ia ka bai bylla yn sa pynmih ia ka hukum ha kine ki sngi, haba iadei bad ka rta shongthait ka dang long klumar.
La pynkynmaw ba ha u snem 2009 u Lat ka jylla u la pynmih ia ka jingpynbna ba ki muster roll kin shongthait ha ka rta kaba 65 hynrei ki tnat bapher bapher jong ka sorkar ki pynshong thait noh ia ki muster roll ha ka rta kaba 58 khlem da don kano kano ka jingpynbna sorkar haba iadei bad kane un sa khot ia ka jingialang jong ki tnat sorkar ha kine ki sngi.
