Shillong Rymphang17: U Myntri ba dei peit ia ka tnat sam um u Marcuise N.Marak haba jubab ia ja jingkylli u bah Nujorki Sungoh haba ia dei bad ka skhim ban pynioh um sha ki lai tylli ki shnong Mookaiaw ,Mukhap bad Mowtryshiah la ong ba ka sorkar ka long kaba la kloi ban pynioh skhim ban ring um sha kitei ki shnong.
U Myntri u la ong ba mynta ki donkam ia ka jaka bad mar ia ioh ia ka jaka kin pynkhreh noh ia kam skhim na ka bynta ban pynpoi um sha kitei ki lai tylli ki shnong bad la kyntu jur ia u MLA kane ka jaka ban pynioh ia ka jaka ha kaba u MLA u la ai ka jingkular ba ka jaka kam dei ka jingeh.
Haba jubab ia ki jingkylli bynrap u myntri u la iathuh ba katkum ka khana samari u snem 2011 ha kitei ki lai tylli ki shnong ki don 1387 tylli ki tnum iing bad 956 ngut ki nong shong shnong kiba ka sorkar ka ka kwah eh ban pynioh ia ka skhim um da kaba kular ba ka sorkar tang shu ioh jaka kan mang pisa noh na ka bynta kane ka kam.
U Myntri u la ong ki don lai bynta ki ban pyntrei kam ban pynpoi um, kawei ka bynta ka long ban shna ia ka dam um, kawei ka bynta ban shna ia ka jaka pom um bad ka bynta kaba lai ka long ban pynkhuid ia ka um kumta la donkam ia ka jaka bad u ai khublei ia u MLA u ba la kloi ban pynioh ia ka jaka.
